Takk fyrir frábærann vetur Snæfellingar.

Jæja stuðningsfólk Snæfells þá er komið að leiðarlokum í vetur við að sjálfsögðu óskum Keflvíkingum til hamingju og þeirra fólki með þeirra árangur í vetur.

Við megum bera höfuðið hátt, já og bara verulega hátt. Snæfell er eitt af þeim liðum og jafnvel það eina sem á stuðningsmenn frá september – apríl í öllum leikjum hvort sem er útileikjum eða heima í Fjárhúsi. Það hefur verið eftirtektarvert að þegar Snæfell spilar í útileikjum að við höfum stundum verið fleiri en heimamenn á svæðinu.

Ég ætla ekki að halda langa ræðu hérna en ég vill koma smá á framfæri við ykkur fyrst ég er í ham við skrifin. Núna stöndum við upp og klöppum okkur sjálfum á bakið fyrir frábært og skemmtilegt tímabil.

Snæfell eru tvöfaldir bikarmeistarar og það að vera hálfafskrifaðir um áramót sýnir bara þvílíkann karakter í okkar liði og strákarnir eiga það skilið að fá að heyra það frá okkur að sama hvað á gengur að þá er klapp á bakið og stuðningsorð í eyra það fyrsta sem þeir fá er þeir ganga af velli sama hver staðan er og svo uppskerum við eftir því.

Þrátt fyrir þetta síðasta einvígi þá er árangurinn gríðalega góður og nú öndum við að okkur sumrinu förum í Hólminn og á Danska daga tölum um góðu tímana í vetur og hvaða leið við fórum í Bikarleikinn og svo framvegis og byggjum okkur upp fyrir næsta tímabil.

Hérna inni koma til með að vera kannski léttar fréttir af einhverju ef eitthvað fréttnæmt kemur inn á borð. Annars verður þessi síða tilbúin fyrir okkur næsta tímabil sem verður spennandi því þá erum við líka með kvennalið í efstu deild og meira að gera fyrir vikið.

Með bestu kveðju til allra Hólmara og stuðningsfólks Snæfells takk fyrir veturinn og gleðilegt sumar.

Símon B. Hjaltalín og Jónína A. Víglundsdóttir

ÁFRAM SNÆFELL